RC SENDIGA AONGOZA ZOEZI LA UTIAJI SAINI MAKTABA WA UJENZI WA NYUMBA ZA WAATHIRIKA WA MAAFA HANANG

Posted on: February 29th, 2024

ZOEZI LA UTIAJI SAINI MKATABA WA UJENZI WA NYUMBA ZA WAATHIRIKA WA MAAFA HANANG KATI YA SERIKALI (HALMASHAURI) NA SUMA JKT

Mkuu wa Mkoa wa Manyara Mhe Queen Sendiga Tarehe 29.02.2024  ameongoza Zoezi la utiaji saini mkataba wa ujenzi wa nyumba za waathirika wa maporomoko ya tope, mawe, na magogo kati ya serikali (Halmashauri na Suma JKT

Akizungumza mara baada ya kukamilika kwa zoezi hilo Rc Sendiga ameishukuru Serikali ya Awamu ya Sita chini ya Rais Dkt Samia Suluhu Hassan Kazi Kubwa Iliyofanyika tangu yalipotokea Maafa hayo mapema Mwezi Desemba Mwaka 2023.

'Leo tunashuhudia sote zoezi hili muhimu likifanyika mbele yetu la kuwapatia ndugu zetu waliopata maafa nyumba bora na zakisasa ikiwa ni muendelezo wa jitihada kubwa zinazofanywa na Rais wetu Dkt Samia kwa Upendo wake Mkubwa Kwa wananchi wake' aliongeza Rc Sendiga

Aidha hatua hii inakuja mara baada ya kukamilika kwa ujenzi wa Miundombinu muhimu katika eneo hili ikiwa ni pamoja Umeme, Maji, huduma ya Afya nk.


Jumla ya Nyumba 108 zinatarajiwa kujengwa kwenye maeneo Rasmi yaliyotengwa na serikali katika kata ya Mogitu, kijiji cha Gidagamowd kitongoji cha Waret.