HANANG DC YAENDELEA KUNG’ARA KWENYE VOLLEYBALL HUKU IKIONGOZA KUNDI D2 KWENYE SOKA

Posted on: August 20th, 2025

Timu ya watumishi wa Halmashauri ya Wilaya ya Hanang imeendeleza makali yake katika mashindano ya SHIMISEMITA yanayoendelea jijini Tanga, baada ya timu zake zote mbili za Mpira wa Wavu (Volleyball) kuibuka na ushindi wa kishindo.

Upande wa wanawake, Hanang' DC iliichapa Kigamboni MC kwa seti 2-0 (25-21, 25-16), huku wanaume nao wakionyesha moto kwa kuibamiza Karatu DC seti 2-0 (25-6, 25-11). Michezo hiyo ilichezwa jioni ya leo, Agosti 20, 2025, katika viwanja vya Shule ya Sekondari Tanga Tech.

Katika michezo mingine, Hanang' DC imeendelea kufanya vyema kwenye mchezo wa soka (wanaume), na kufikisha alama 9, hivyo kuongoza kundi D2 baada ya kushuka dimbani mara nne.

Mashindano haya yanayoendelea Jijini Tanga, yanapambwa na kaulimbiu isemayo: "Jitokeze Kupiga Kura Kwa Maendeleo Ya Michezo"